बांद्रानंतर आता वरळीतही शिवसेना ठाकरे गट आणि भाजप कार्यकर्त्यांमध्ये जोरदार वादळ उठलं आहे. वरळीतील सेट रेजिस हॉटेलमध्ये भाजपकडून राष्ट्रीय एकजूट कामगार संघटना या नावाने संघटना नोंद करण्याची प्रक्रिया सुरू असल्याचा आरोप ठाकरे गटाने केला. या नियमबाह्य नोंदणीला विरोध करत शिवसैनिक मोठ्या संख्येने हॉटेलमध्ये दाखल झाले.

यावेळी शिवसैनिकांनी भाजपकडून लावलेला राष्ट्रीय एकजूट कामगार संघटना हा फलक फाडून टाकला. परिस्थिती चिघळू नये म्हणून पोलिसांनी हस्तक्षेप करत जमावाला पांगवण्यासाठी सौम्य लाठीचार्ज केला. अशाच प्रकारचा वाद काही दिवसांपूर्वी बांद्र्यातील ताज लँड हॉटेलमध्येही झाला होता. त्यामुळे मुंबईतील कामगार संघटनांच्या नोंदणीवरून दोन्ही पक्षांमध्ये तणाव अधिक वाढलेला दिसत आहे.