मुंबई: फेब्रुवारी महिना सुरू होताच मुंबईत तपमानचा पारा देखील चढायला सुरुवात झाली. आधीच तीव्र उन्हाच्या झळांमुळे मुंबईकर हे हैराण झाले असतानाच. आता या कडक उन्हाचा परिणाम हा पाण्यावर झाला आहे. या कडक उन्हामुळे मुंबईचा पाणीसाठा हा अर्ध्यावर आला आहे. या कडक उन्हामुळे तलावाच्या पाण्याचे बाष्पीभवन होत आहे आणि त्यातच पाणी गळती मुळे देखील पाणीसाठा हा अर्ध्यावर येऊन पोहचला आहे. म्हणून मुंबई महापालिकेने मुंबईकरांना पाणी जपून वापरण्याचे आवाहन केले आहे. मुंबईला पाणीपुरवठा करणाऱ्या धरणांमध्ये सध्या 7 लाख 47 हजार दशलक्ष लिटर पाणीसाठा आहे. तसेच मे,जून महिन्यात हा साठा अधिक कमी होण्याची शक्यता आहे. मुंबईला पाणीपुरवठा करणाऱ्या धरणांमधील पाणीसाठा हा दिवसेंदिवस वेगाने कमी होत आहे. त्यामुळे येणाऱ्या काही दिवसात मुंबईकरांना पाणी पुरवठा देखील कमी होऊ शकतो.

Edited By Omkar Sonawane