मुंबईतील गांधी मार्केट परिसरात एक धक्कादायक घटना घडली आहे. महापौर रितू तावडे स्वतः परिसरात उपस्थित असताना महापालिकेचा एक कर्मचारी थेट उघड्या मॅनहोलमध्ये पडल्याने मोठी खळबळ उडाली. या घटनेमुळे प्रशासनाच्या निष्काळजीपणावर आणि शहरातील उघड्या मॅनहोलच्या गंभीर समस्येवर पुन्हा एकदा प्रश्नचिन्ह निर्माण झाले आहे.

नागरिकांच्या सुरक्षिततेसाठी आवश्यक उपाययोजना केल्या जात नसल्याचं स्पष्ट होतंय. महापालिकेच्या कामकाजातील ढिसाळपणा आणि देखभालीतील त्रुटी यावर टीका सुरू झालीये. या घटनेनंतर संबंधित अधिकाऱ्यांनी तातडीने दखल घेऊन अशा घटनांची पुनरावृत्ती टाळण्यासाठी कठोर पावले उचलण्याची मागणी नागरिकांकडून होत आहे.