Manasvi Choudhary
भारतात चहा अत्यंत प्रसिद्ध आहे. अनेकांच्या दिवसाची सुरूवात ही चहाने होते. चहा प्यायल्याशिवाय नवीन दिवसाला सुरूवात झाली असे वाटत नाही.
अनेकाना दिवसांतून दोन ते तीन कप चहा पिण्याची सवय असते. मात्र गोड चहा आरोग्यासाठी घातक ठरू शकतो यासाठी चहामध्ये साखरेचे प्रमाण कमी ठेवावे. मात्र आज आम्ही तुम्हाला साखरेशिवाय चहा गोड कसा करायचा ही ट्रिक सांगणार आहोत.
जर तुम्हाला साखर न टाकता चहा गोड करायचा असेल तर तुम्ही त्यात स्टीव्हिया वनस्पती वापरा. स्टीव्हिया ही वनस्पती गोडवा देते. मधुमेही स्टीव्हिया चहा पिऊ शकता.
साखेरेऐवजी चहा बनवण्यासाठी गुळाचा वापर करू शकता. गुळामुळे चहामध्ये फक्त गोड चव येत नाही तर लोह, पोटॅशियम आणि अँटीऑक्सिडंट्स मिळतात.
नारळ नैसर्गिकरित्या गोड असतात. गोड चहा बनवण्यासाठी तुम्ही साखरेऐवजी नारळाची साखर वापरू शरता. नारळाच्या साखरेने चहा गोड चव येते.
गोड चहा बनवण्यासाठी तुम्ही साखरेऐवजी मध वापरू शकता. कोणत्याही पदार्थाला गोड चव येण्यासाठी मध बेस्ट आहे.
साखर न टाकता चहा गोड हवा असेल तर त्यात खजूर पावडर मिक्स करा. खजूरमध्ये नैसर्गिक गोडवा असतो.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.