मुंबई : शहरात मुसळधार पावसाचा जोर मध्यरात्रीपासून कायम असून सांताक्रूझ परिसरात मोठ्या प्रमाणावर पाणी साचले आहे. रस्त्यांवर साचलेल्या पाण्यामुळे वाहनचालकांना मार्ग काढताना प्रचंड अडचणींचा सामना करावा लागत आहे. वाहतुकीचा वेग मंदावल्याने अनेक ठिकाणी वाहनांच्या लांबलचक रांगा लागल्या आहेत. हवामान खात्याने आज मुंबईसाठी रेड अलर्ट जारी केला असून पुढील काही तासांत जोरदार पावसाचा इशारा देण्यात आला आहे. त्यामुळे नागरिकांनी अनावश्यक बाहेर पडणे टाळावे, असा सल्ला प्रशासनाकडून देण्यात आला आहे.