मुंबईत रात्रीपासून पडणाऱ्या मुसळधार पावसाचा फटका बेस्ट बसला बसला आहे. या पावसामुळे मुंबईतील गिरगाव मेट्रो स्टेशनजवळ रस्ता खचला. रस्ता खचल्यामुळे बेस्ट बस ५ फूट खोल खड्ड्यात गेली. बसचे पुढचे चाक या खड्ड्यात अडकले. यामुळे बसमधील प्रवासी घाबरले. पण सुदैवाने या अपघातामध्ये ड्रायव्हरसह सर्व प्रवासी सुखरूप आहेत.

गिरगाव परिसरात रस्त्यावर पडलेल्या ५ फूट खोल खड्ड्यात बेस्टची बस अडकली. बेस्ट बसला झालेल्या अपघातामुळे वाहतूक विस्कळीत झाली असून प्रवाशांची मोठी गैरसोय झाली. बस एकाच ठिकाणी अडकून राहिल्यामुळे मोठी वाहतूक कोंडी झाली आहे. MMRDAच्या निष्काळजी कामामुळे हा प्रकार घडल्याचे निदर्शनास आले आहे. पावसाळ्यात अशा प्रकारच्या निष्काळजीपणामुळे अपघात होण्याची शक्यता वाढली आहे.