मुंबई : मुंबई पुण्यासह संपूर्ण राज्यभरात गणेश चतुर्दशीचा उत्साह पाहायला मिळत आहे. गणेशगल्ली, लालबागचा राजा आणि श्रीमंत दगडुशेठ गणपती मंदिरात जल्लोष पाहायला मिळत आहे. लालबाग राजा मंडळाच्या मेन गेटवर गणेशभक्तांची प्रचंड गर्दी झालीय. कार्यकर्त्यांकडून गर्दीला संभाळणं अवघड झाल्याने पोलिसांनी पुढे येऊन गर्दी बाजूला केलीय. तर गणेशगल्ली मंडळाची आरती झालीय. गुलाल उडवत मिरवणुकीला सुरुवात झाली. ढोल ताशाच्या गजरात कार्यकर्त्यांचा उत्साह पाहायला मिळतोय.

पुण्यात अजित पवारा यांच्या हस्ते दगडूशेठ गणपती मंदिरात बाप्पाची पूजा आणि आरती झालीय. अजित पवार यांच्यासह सुनेत्रा पवार, रूपाली चाकणकर सुद्धा उपस्थीत आहेत. दुपारी ४ वाजता दगडूशेठ गणपती विसर्जन मिरवणुकीला सुरुवात होणार आहे. तर रात्री ८ वाजता गणरायाचे विसर्जन होणार आहे. पारंपरिक वाद्य, नगारा, तसेच ढोल ताशा पथक या मिरवणुकीत सामील होणार आहे.