मुंबई-पुणे एक्स्प्रेस वेवर लोणावळ्यातीलआडोशी बोगद्याजवळ गँस टँकर उलटून मोठा अपघात झाला होता. या अपघातामुळे मुंबई-पुणे एक्स्प्रेस वेवरल वाहतूक ठप्प झाली होती. आता ३२ तासांनंतर खंडाळा घाटात पुणे–मुंबई एक्स्प्रेस वेवरील वाहतूक सुरू झाली. वाहतूक सुरू झाली असली तरी लोणावळ्याच्या अलीकडे परिस्थिती अद्याप जैसे थे आहे. लोणावळ्याजवळ अजूनही ५ ते १० किलोमीटरपर्यंत वाहनांच्या रांगा लागल्या आहेत. २० ते २२ किलोमीटरची दीर्घ वाहतूक कोंडी असल्याने अनेक वाहनचालक आपल्या वाहनातच झोपले होते. रात्री उशिरा वाहतूक सुरू झाल्याची माहिती त्यांना नव्हती. आता पोलिस वाहनचालकांना झोपेतून उठवून वाहने पुढे मार्गस्थ करण्याचा प्रयत्न करत आहेत.