Mumbai Pune Expressway traffic update : मुंबई पुणे एक्स्प्रेस वेवर आडोशी बोगद्याजवळ गॅस टँकर उलटल्याने प्रवाशांची कोंडी झाली. मंगळवारी संध्याकाळी गॅस टँकर उलटून अपघात झाला. १६ तास उलटून गेल्यानंतर देखील या गॅसची गळती थांबवण्यात कामी प्रशासनाला यश आलेले नाही. अग्नीशमन दल, बचाव आणि मदत पथक, NDRF च्या टिम घटना स्थळी दाखल झाल्या आहेत. पण केमिकल एक्सपर्ट टिम आली नसल्याने गॅस गळती थांबवण्याच्या कामी विलंब होत आहे. सुरक्षितता पाळून मुंबई पुणे एक्स्प्रेस वे वरील वाहतूक वळवण्यात आली आहे.

मुंबई पुणे एक्सप्रेस वे वरील अपघातग्रस्त टँकरमधून होणारी गॅस गळती अद्याप थांबलेली नाही. या प्रकरणी बचाव मदत पथक घटना स्थळी दाखल झाले आहे. प्रवाशांचे होणारे हाल लक्षात घेत वाहतुक पर्यायी मार्गाने वळवण्यात येत आहे. भाजप नेत्या चित्रा वाघ यांनाही यावर अपडेट दिली आहे. संध्याकाळी ६ वाजेपासून थांबवलेली वाहतूक अजूनही सुरू झालेली नाही. टँकर हटवण्याचे काम सुरू आहे. मुंबईला जाण्यासाठी पर्यायी रस्त्याचा उपयोग करा, असे आवाहन त्यांनी केलेय. मुंबई-पुणे एक्सप्रेस वे अडोशी बोगद्याजवळ गॅस चा टॅंकर उलटून गॅस लिक झाल्याने मुंबईकडे जाणारी सगळी वाहतूक थांबवलेली आहे ज्यामुळे प्रचंड मोठी वाहनांची कोंडी..ट्रॅफीक जाम आहे, असे त्यांनी म्हटलेय..