मुंबईतील प्रभादेवी परिसरात शिंदे गटाचे माजी नगरसेवक समाधान सरवणकर आणि स्थानिक नागरिकांमध्ये जोरदार खडाजंगी झाली आहे. साई सुंदर इमारतीसमोर शाखेसाठी उभारण्यात येणाऱ्या शेडवरून हा वाद निर्माण झाला. आपत्कालीन परिस्थितीत हे शेड अडथळा ठरेल असं म्हणत स्थानिकांनी या कामाला कडाडून विरोध केला. या विरोधानंतर सरवणकर यांना घटनास्थळावरून माघार घ्यावी लागली. माझं वैयक्तिक काम नव्हतं, ते लोकांचं काम होतं. जर लोकांना नको असेल तर आम्ही थांबवू, अशी प्रतिक्रिया समाधान सरवणकर यांनी दिली आहे. या घटनेचा व्हिडिओ सध्या सोशल मीडियावर व्हायरल होत असून, प्रभादेवीत राजकीय वातावरण तापल्याचं पाहायला मिळत आहे.