मुंबईत आज निवडणूक आयोगाविरोधात विरोधकांचा ‘सत्याचा मोर्चा’ निघणार आहे.त्यासाठी जय्यत तयारी करण्यात आली आहे. विधानसभा आणि लोकसभेच्या निवडणुकीनंतर मतदार याद्यांमध्ये घोळ असल्याचा आरोप वारंवार काँग्रेसचे नेते राहुल गांधी यांच्याकडून करण्यात आला. त्यानंतर महाराष्ट्रामध्ये सुद्धा विरोधी पक्षांनी हा मुद्दा लावून धरला होता आणि त्याच संदर्भामध्ये आज महाविकास आघाडी आणि इतर जे महत्त्वाचे घटक पक्ष आहेत त्यांच्याकडून मोर्चा काढला जात आहे.

या मोर्चामध्ये राष्ट्रवादीचे शरद पवार, ठाकरे बंधू, काँग्रेस, भाकप आणि माकप पक्षांचे नेते सहभागी होणार आहेत. फॅशन स्ट्रीटपासून मोर्चाची सुरुवात होऊन तो आझाद मैदानात येणार आहे. मोर्चाच्या पार्श्वभूमीवर आझाद मैदान परिसरात ठाकरेंसेना, राष्ट्रवादी आणि मनसेचे झेंडे लावून वातावरणनिर्मिती करण्यात आली आहे.रस्ताच्या चार ही बाजूने मोठमोठे बॅनर लावलेले दिसून येत आहे. मोठ्या प्रमाणावर कार्यकर्त्यांची उपस्थिती अपेक्षित असल्याने पोलिसांनी कडेकोट बंदोबस्त तैनात केला आहे.