मुंबईतील मोनोरेल सेवा आजपासून अनिश्चित काळासाठी बंद करण्यात आली आहे. सततच्या तांत्रिक बिघाडामुळे मोनोरेल ट्रॅकवरच बंद पडत आहेत म्हणूनच MMRDAने हा निर्णय घेतला आहे. गेल्या काही दिवसांत मोनोरेल दोनदा मध्येच बंद पडल्याचा घटना घडल्या होत्या. ज्यामध्ये अनेक प्रवासी अडकले होते. या दरम्यान, अनेक तासांच्या प्रयत्नांनंतर प्रवाशांना सुखरुप बाहेर काढण्यात आले.वारंवार होणारे तांत्रिक त्रुटी टाळण्यासाठी आणि मोनोरेल अधिक सुरक्षित, विश्वासार्ह तसेच जलद करण्यासाठी ही सेवा तात्पुरती थांबवण्यात आली आहे. MMRDAने नागरिकांची गैरसोय मान्य करत लवकरच सुधारित आणि दर्जेदार मोनोरेल सेवा पुन्हा सुरु करण्याचे आश्वासन दिले आहे.