पंतप्रधान नरेंद्र मोदी हे मुंबईत रोड शो करणार आहेत. मोदींच्या सुरक्षेसाठी मेट्रो सेवा बंद राहणार आहे. जागृती नगर ते घाटकोपर ही सेवा बंद राहणार आहे. संध्याकाळी ६ वाजल्यापासू ही सेवा बंद राहणार असल्याचे मेट्रो प्रशासनाने म्हटले आहे. सहा वाजल्यापासून ते पुढील सूचना मिळेपर्यंत ही सेवा बंद असल्याने प्रवाशांनी त्याप्रमाणे वेळेचे नियोजन करावे असे आवाहन मेट्रो प्रशासनाने केले आहे. असुविधेबद्दल मेट्रोने खेदही व्यक्त केला आहे. नरेंद्र मोदी लोकसभा निवडणुकीनिमित्त मुंबई दौऱ्यावर आहेत. मुंबईत त्यांचा रोड शो होणार असून दादरच्या शिवाजी पार्कात सभाही होणार आहे.