Mumbai Metro News: मुंबईकरांसाठी आनंदाची बातमी! मुंबई मेट्रोच्या फेऱ्यांमध्ये वाढ करण्यात आलीय. जर तुम्ही मेट्रोने प्रवास करत असाल तर तुमच्यासाठी ही नक्कीच आनंदाची बातमी आहे. मुंबईकरांचा मुंबई मेट्रोतून प्रवास करण्याचा वाढता कल पाहता मान्सून दरम्यान मुंबई मेट्रोच्या फेऱ्यांच्या संख्येत वाढ करण्यात आली आहे. विशेषत: पावसाळ्यात आणि गर्दीच्या वेळी आम्ही मेट्रोच्या फेऱ्या वाढवल्या आहेत. गर्दीच्या वेळी दर ७ मिनिटाला एक मेट्रो धावत आहे. एक अतिरिक्त मेट्रोमुळे दिवसभरात २४ अतिरिक्त फेऱ्या सुरु करण्यात आल्या आहेत. त्यामुळे आता दिवसभरात मेट्रोच्या फेऱ्या २८२ इतक्या होत आहेत. तर 3 मेट्रो राखीव ठेवल्या असल्याने, आपत्कालीन काळात गरजेनुसार मेट्रो सेवेत अधिकची वाढ करता येईल.