Uddhav Thackeray Shiv Sena update : मुंबई महापौर, उपमहापौर पदाच्या निवडणुकीची रंगत आणखी वाढण्याची शक्यता आहे. ठाकरेंची शिवसेना मुंबई महापौर, उपमहापौर पदासाठी निवडणूक लढण्याची तयारी करत आहे. आज ठाकरेंच्या शिवसेनेची महत्त्वाची बैठक बोलवण्यात आली आहे. यामध्ये निवडणूक लढवण्यावर चर्चा होणार आहे. उद्धव ठाकरे हे मुंबईतील कार्यकर्ते अन् पदाधिकार्‍यांकडून निवडणुकीबाबत माहिती घेणार आहेत. या बैठकीला माजी महापौर किशोरी पेडणेकर, वरिष्ठ नगरसेवक आणि पक्षाचे प्रमुख नेते उपस्थित राहणार आहेत

उद्धव ठाकरेंची आज पक्षाचे प्रमुख नेते, पालिकेतील गटनेते, वरिष्ठ नगरसेवक यांच्या सोबत बैठक होणार आहे. महापौर, उपमहापौर पदासाठी निवडणूक लढायची की नाही याबाबत निर्णय होणार आहे. निवडणूक लढवायला हवी असं अनेकांचं मत आहे.

सर्व नगरसेवकांना ८ फेब्रुवारी पर्यंत मुंबई बाहेर न जाण्याचे आदेश देण्यात आले आहे. ठाकरे गटाकडे सध्या ६५ नगरसेवक असून, त्यांना मनसे (६ नगरसेवक), काँग्रेस आणि एमआयएम यांची साथ मिळाली तर गणिते बदलू शकतात. शिंदे गटाचे काही नगरसेवक मतदानावेळी गैरहजर राहिले, तर मोठा बदल घडू शकतो, अशी शक्यताही वर्तवण्यात येत आहे.