मध्य रेल्वेची वाहतूक विस्कळीत झाली. सकाळी साडेसातच्या सुमारास सिग्नल यंत्रणेत तांत्रिक बिघाड झाला. त्यामुळे भांडूप ते नाहूर रेल्वे स्थानकादरम्यान लोकल एकापाठोपाठ एक थांबल्या आहेत. मुंबईच्या दिशेने येणारी लोकल वाहतूक विस्कळीत झाली आहे. लोकलसेवा जवळपास २० ते ३० मिनिटं उशिराने सुरू आहेत. ऐन गर्दीच्या वेळी मध्य रेल्वेची वाहतूक विस्कळीत झाल्यामुळे प्रवाशांचे हाल होत आहे. सर्वच रेल्वे स्थानकांवर प्रवाशांची प्रचंड गर्दी झाली आहे. मध्य रेल्वेची वाहतूक विस्कळीत झाल्यामुळे मुंबईत ऑफिसला येणाऱ्यांना आज लेटमार्क लागण्याची शक्यता आहे. मध्य रेल्वेकडून सिग्नल यंत्रणा दुरुस्तीचे काम युद्धपातळीवर सुरू आहे. दुरूस्तीचे काम पूर्ण झाल्यानंतर लोकलसेवा हळूहळू पूर्वपदावर येईल.