मुंबईतील जोगेश्वरी परिसरात मध्यरात्री 'हिट अँड रन'ची एक अत्यंत धक्कादायक आणि थरारक घटना घडली आहे. जोगेश्वरी पश्चिमेकडील अमृत नगर भागात एका भरधाव टँकरने डिलिव्हरी बॉयला जोरदार धडक दिली. या भीषण अपघातात हर्ष नावाच्या डिलिव्हरी बॉयचा दुर्दैवी मृत्यू झाल्याची प्राथमिक माहिती समोर आली आहे. टँकर चालक पूर्णपणे मद्यधुंद अवस्थेत असल्याचा दावा प्रत्यक्षदर्शींनी केला आहे.

ही घटना रात्री सुमारे १:२० वाजताच्या सुमारास जोगेश्वरी पश्चिमेतील अमृत नगर येथील अजित ग्लास गार्डन गेटसमोर घडली. हर्ष हा डिलिव्हरी बॉय त्याचे काम करत असताना, भरधाव वेगाने आलेल्या टँकरने त्याला जोरदार धडक दिली. धडक इतकी भीषण होती की हर्षचा जागीच मृत्यू झाल्याचे सांगण्यात येत आहे.