लालबागचा राजा मंडळाच्या कार्यकर्त्यांची धक्काबु्क्की आणि विसर्जनाच्या विलंबामुळे चर्चेत आलं आहे. या मंडळाच्या विरोधात भाविकांनंतर आता मच्छिमार समितीनेही रोष व्यक्त केला आहे. लालबागचा राजा मंडळाविरोधात मच्छिमार समितीने थेट मुख्यमंत्री फडणवीस यांच्याकडे तक्रार केली आहे. बाप्पांच्या विसर्जन चंद्र ग्रहणात केल्याने हिंदू धार्मिक्यांचे भावना दुखावल्याचा आरोप मच्छिमार समितीने केला आहे. त्याचबरोबर गणेशभक्तांना दर्शनच्यावेळी मानसिक आणि शारीरिक छळ सुरू असल्याचाही आरोप केला. मंडळाच्या कार्यकर्त्यांना माज आला असून या प्रकरणी चौकशी करण्याची मागणी मच्छिमार समितीने केली आहे.