Latest Hingoli News in Marathi : तुम्ही मोबाईल फोनचा वापर करत असाल तर ही बातमी तुमच्यासाठी चिंताजनक ठरू शकते. गोंदिया जिल्ह्यातील मोरगाव अर्जुनी तालुक्यातील सिरेगावबांध येथे खिशातच मोबाईलचा स्फोट झाला आहे. यामध्ये एकाचा मृत्यू झाला आहे तर अन्य एक जण गंभीर जखमी झाला आहे.

मोबाईलचा स्पोट झाल्याने शिक्षकाचा मृत्यू झाल्याची धक्कादायक घटना घडली आहे. गोंदियाच्या मोरगाव अर्जुनी तालुक्यातील सिरेगावबांध येथे ही घटना घडली. मिळालेल्या माहितीनुसार, खिशात असणाऱ्या मोबाईलचा अचानक स्फोट झाला. त्यामध्ये शिक्षकाचा मृत्यू झालाय. सुरेश संग्रामे असे त्या शिक्षकाचे नाव असल्याचे समोर आलेय. नत्थू गायकवाड असे जखमीचे नाव आहे. त्याच्यावर रूग्णालयात उपचार सुरू आहे.