राज ठाकरे यांनी महायुतीला बिनशर्त पाठींबा दिला. दिल्लीत अमित शहा यांची भेट घेतल्यानंतर, राज ठाकरे यांनी गुढीपाडवा मेळाव्यातून महायुतीला पाठिंबा जाहीर केला. केवळ पंतप्रधान नरेंद्र मोदी यांच्यामुळे आपण हा पाठिंबा देत असल्यांचही राज ठाकरेंनी सांगितलं. जागावाटपात एकही जागा न घेता, कोणतीही अट न ठेवता राज ठाकरेंनी आपला पाठिंबा जाहीर केला. राज ठाकरेंच्या या पाठिंब्यावरुन महाविकास आघाडीतल्या नेत्यांनी सडकून टीकाही केली. अनेक मनसे पदाधिकाऱ्यांनी नाराजीत आपले राजीनामे दिलेत. अशातच आता राज ठाकरेंनी महायुतीच्या प्रचारासाठी मनसे समन्वयकांची यादी जाहीर केली आहे.