सागर आव्हाड, साम टीव्ही

पुणे: कोथरूड येथील केदार सोमण नावाच्या व्यक्तीच्या घरी मनसे कार्यकर्त्यांनी गोंधळ घातला.पोलिसांनी वेळीच हस्तक्षेप केल्यामुळे संभाव्य राडा टळला .मनसे प्रवक्ते हेमंत संभूस यांच्या अध्यक्षतेखाली हे आंदोलन करण्यात आले. कोथरूड येथील राहणारा केदार सोमण याने उद्धव ठाकरे आणि राज ठाकरे यांच्या विरोधात आक्षेपार्ह पोस्ट केली होती. ही पोस्ट समाज माध्यमांवर व्हायरल झाल्यानंतर मनसे प्रवक्ते हेमंत संभूस यांनी सुमन यांचा पत्ता शोधत आज सकाळी थेट त्यांच्या घरावर धडक दिली.

सुमन यांच्या घरी मनसे कार्यकर्ते पोहोचल्यानंतर त्यांनी दरवाजा उघडला नाही. त्यानंतर पोलिसांना याची माहिती मिळाली आणि पोलीस कोथरूड येथील इंद्रधनु सोसायटीमध्ये पोलिसांनी मनसे कार्यकर्त्यांना सोसायटीच्या मुख्य द्वारापासून बाजूला केलं आणि रस्त्यावर घेऊन गेले आणि त्यानंतर केदार सोमण याला पोलिसांनी ताब्यात घेतलं. मात्र, केदार सोमान याला घेऊन जात असताना मनसे कार्यकर्त्यांनी पोलिसांच्या गाडीवर चालून जात मोठा गोंधळ घातला.