आगामी महापलिकेच्या तसेच स्थानिक स्वराज्य संस्थेच्या निवडणुका काही दिवसात होणार असून सगळ्याच पक्षांनी कंबर कसली आहे. विधानसभा निवडणुकीत मनसेचा दारुण पराभव झाला होता. राज्यात केवळ एकच आमदार मनसेचा आमदार होता. मात्र यंदाच्या निवडणुकीत या आमदारचा पराभव झाल्याने मनसेला मोठा झटका बसला. मात्र महापालिकेच्या निवडणुकीसाठी मनसेची रणनीती आखण्याचे काम सुरू आहे. त्यातच आता मनसे अध्यक्ष राज ठाकरे यांनी उद्धव ठाकरेसोबतच्या युतीबद्दल मोठे विधान केले आहे. तसेच त्यांनी पदाधिकाऱ्यांना कानमंत्र देखील दिला आहे.

राज ठाकरे यांनी आज मुंबई येथील रंगशारदा या ठिकाणी एक पदाधिकारी मेळावा घेतला. या मेळाव्याला मुंबईतील अनेक पदाधिकारी उपस्थित होते. मेळाव्या दरम्यान राज ठाकरेनी पदाधिकाऱ्यांना काही महत्वाच्या सूचना केल्या. मराठी भाषेचा मुद्दा घराघरात पोहोचवा, पण हिंदी भाषिकांचा द्वेष करू नका असा महत्वपूर्ण सल्ला राज ठाकरेनी दिला.