मुंबईच्या अंधेरी पूर्वेकडील मरोळ MIDC येथील आर्या गोल्ड कंपनीकडून एक जाहिरात करण्यात आली होती. प्रोडक्शन मॅनेजर या पदासाठी बिगर महाराष्ट्रीयन माणसासाठी जागा असल्याचं ह्या जाहिरातीत म्हटलं होतं. ही बातमी Saam TV कडून दाखवण्यात आली होती. आता मनसे कामगार सेनेच्या पदाधिकाऱ्यांनी कंपनी मालकाचा चांगलाच समाचार घेतला आहे. महाराष्ट्रात राहून मराठी माणसाला नोकरी नाकारण्याचा प्रकार या कंपनीकडून होत असल्याबाबकत आता कंपनीमालकाला मनसे स्टाईलनवे जाब विचारण्यात आला आहे. कंपनीमालकाकडून माफी मागण्यात आली असून यासंदर्भात मनसे अध्यक्ष राज ठाकरे आणि संपूर्ण महाराष्ट्राची माफी मागावी अशी मागणी मनसे पदाधिकाऱ्यांनी केली आहे.