Nashik MNS Rada : नाशिकच्या जय भवानी रोड परिसरात परप्रांतीयांची मुजोरी पाहायला मिळालीय..परप्रातीय व्यक्तीनं मराठी बोलण्यास नकार दिला..मनसेच्या पदाधिकाऱ्यांनी त्याला समज देण्याचा प्रयत्न केला, मात्र यावेळी त्यानं अरेरावी केलीय. त्यानंतर मनसेच्या कार्यकर्त्यांनी त्याला चोप दिला. हा सर्व प्रकार कॅमेऱ्यात कैद झाला आहे.

जय भवानी रोड परिसरात परप्रांतीय आणि मराठी वादाचा व्हिडिओ नाशिकमध्ये व्हायरल झाला आहे. गाडी शिकणाऱ्या परप्रांतीय व्यक्तीने या भागातील एका गाडीला धडक दिली. त्यानंतर या परप्रांतीय व्यक्तीने अरेरावी केल्याचा आरोप करण्यात आला. मराठी लोगो की औकात क्या? तुम मराठी लोक भंगार हो, अशी मुजोरी केल्याचा आरोप करण्यात आला आहे. यानंतर या मराठी माणसाने स्थानिक मनसे पदाधिकाऱ्यांना घटनेची माहिती दिली. मनसे पदाधिकाऱ्यांकडून परप्रांतीय व्यक्तीला समज दिली जात असतानाही त्याने अरेरावी केली. मराठी बोलण्यास नकार देताच मनसे पदाधिकाऱ्यांनी चोप दिला.