ठाकरे गटाचे वरळीचे आमदार आदित्य ठाकरे यांचा प्रचार सध्या शिगेला पोहोचला असून वरळीच्या गल्लीबोळात आदित्य ठाकरे प्रचार करत आहेत. शनिवारी प्रचारफेरी करताना लहान मुलांना क्रिकेट खेळताना बघून आदित्य ठाकरे यांना क्रिकेट खेळण्याचा मोह आवरला नाही. यावेळी त्यांनी या चिमुकल्यांसोबत क्रिकेटचा आनंद लुटला.

विधानसभा निवडणुकीच्या रणधुमाळीत राज्यात सर्व उमेदवारांकडून प्रचारसभा आणि प्रचारफेऱ्यांचा धडाका सुरू आहे. या निवडणुकीच्या मैदानात यंदा आदित्य ठाकरे यांच्या वरळी मतदारसंघाकडे सगळ्यांचं लक्ष लागलेलं आहे. मात्र, या प्रचाराच्या धामधुमीत काहीसा विरंगुळा म्हणून आदित्य ठाकरे हे खेळामध्ये रमलेले पाहायला मिळालेत. वरळी विधानसभा परिसरात प्रचार करत असताना आदित्य ठाकरे यांनी परिसरातील लहान मुलांसोबत क्रिकेटचा आनंद लुटला. याचा व्हिडिओ सध्या सोशल मिडियावर व्हायरल होत आहे. दरम्यान, यावेळी आदित्य ठाकरे यांनी षटकार मारल्यानंतर सर्वांनी एकच जल्लोष केलेला या व्हिडिओमध्ये दिसून येत आहे.

Edited By Rakhi Rajput