मिरा रोड परिसरातील एका सोसायटीत गरबा सुरु असताना अज्ञात व्यक्तीकडून अंडी फेकल्याची घटना समोर आली आहे. या प्रकारामुळे काही काळ परिसरात तणाव निर्माण झाला होता. अचानक झालेल्या घटनेमुळे गरब्यात सहभागी झालेल्या नागरिकांमध्ये संतापाची लाट उसळली होती. या प्रकाराबाबत पोलिसांकडे तक्रार दाखल करण्यात आली असून पोलिसांनी एका व्यक्तीवर गुन्हा दाखल केल्याची माहिती दिली आहे. अंडी फेकणाऱ्याला तात्काळ अटक करण्यात यावी, अशी जोरदार मागणी स्थानिकांकडून होत आहे. तसेच परिस्थिती नियंत्रणात असल्याचे पोलिसांनी सांगितलं आहे. या घटनेमुळे उत्सवी वातावरणात खोडसाळपणा करणाऱ्यांविरोधात कडक कारवाईची मागणी होत आहे.