मिरा भाईंदर : मिरा भाईंदरच्या एका हॉस्पिटलमध्ये स्फोटकं ठेवल्याचा ई मेल पोलिसांना मिळाला आहे. पोलिसांनी लगेच घटनास्थळी धाव घेऊन तपासणी सुरू केली आहे. पोलिसांचे श्वानपथक हॉस्पिटलमध्ये दाखल झाले असून कसून चौकशी सुरू आहे.एकीकडे देशात बकरी ईद साजरी होत असताना अशी घटना घडू नये म्हणून पोलिस आणखी सतर्क झाले आहेत. या हॉस्पिटलची तपासणी सूरू असून दुसरीकडे हा ईमेल कुठून आला याचाही शोध पोलिस घेत आहेत.