मीरारोडमधील मराठी भाषिकांच्या मोर्चावर समाजवादी पक्षाचे आमदार अबू आझमी यांनी टीका केली आहे. मीरारोडमधील हिंदी भाषिकांचा मोर्चा योग्य होता, पण मनसेच्या लोकांनी कायद्याची पायमल्ली केली, अशा शब्दात अबू आझमी यांनी मनसेवर टीका केली आहे.

'हिंदी भाषिकांनी मोर्चा काढला. मोर्चा काढण्याचा त्यांचा हक्क आहे. मीरारोडमधील व्यापाऱ्याच्या मारहाणीचा व्हिडिओ सर्वत्र व्हायरल झाला. मीरारोडमधील हिंदी भाषिकांचा मोर्चा योग्य होता. मात्र, मनसेचा मोर्चा बेकायदेशीर आहे. सरकारने यावर लक्ष द्यायला हवं. मराठीचा अपमान कोण करत आहे, मराठीचा अपमान करणाऱ्यांवर कारवाई केलीच पाहिजे. मारहाणीचं समर्थन केलं जाऊ शकत नाही. कायद्यात असं कुठंही नमूद नाही, अशा शब्दात अबू आझमी यांनी टीका केली.