मच्छर मारायला गुडनाइटचे कॉईल लावावे लागतात. त्यासाठी रेकी करण्याची गरज नाही, असा टोला मंत्री नितेश राणे यांनी खासदार संजय राऊत यांना लगावला आहे.

ठाकरे गटाचे खासदार संजय राऊत यांच्या मुंबई येथील निवासस्थानाची रेकी दोन तरुण करत असल्याचा एक व्हिडिओ शुक्रवारी समोर आला आहे. त्यानंतर राजकीय वर्तुळात खळबळ उडाली आहे. याच संदर्भात आज नितेश राणे यांनी राऊतांना टोला लगावला आहे.

नितेश राणे म्हणाले की, 'संजय राऊत यांच्या घराची कुणीतरी रेकी केली आहे. मला पहिल्यांदा अनुभव आहे की, मच्छर मारण्यासाठीसुद्धा रेकी करावी लागते. मच्छर मारहण्यासाठी कॉइल लावा. त्याला रेकी करण्याची गरज नाही. कदाचित खिचडीचोर कुठे राहतो, हे पाहण्यासाठी कुणीतरी दुचाकीवरून आले असेल. त्यामुळे गांभीर्यानं घेण्याची गोष्ट नाही', असा खोचक टोला राणे यांनी लगावला आहे.