मुंबईतील छत्रपती शिवाजी महाराज आंतराष्ट्रीय विमानतळ आणि प्रलंबित नवी मुंबई आंतराष्ट्रीय विमानतळाला जोडणारा मेट्रोचा गोल्ड लाइन मार्ग सामोर आला आहे. सरकारच्या निर्देशानुसार सिडकोने या महत्वाच्या मार्गाचा डीपीआर म्हणजेच अहवाल तयार करून तो सरकारला सादर केला आहे. येणाऱ्या काही महिन्यांत त्याला मंजूरी मिळेल असा निर्धार सिडकोचे व्यवायस्थापकीय संचालक विजय सिंघल यांनी व्यक्त केला आहे.

नवी मुंबई आंतराष्ट्रीय विमानतळाचे काम अंतिम टप्प्यात आले आहे. सप्टेंबरमध्ये या विमानतळावरून प्रवासी वाहतूक सुरू होईल, असे मुख्यमंत्री देवेंद्र फडणवीस यांनी जाहीर केले आहे. त्यानुसार बाकीच्या कामांना गती मिळताना दिसतेय. त्यासाठी मेट्रो 8 गोल्ड लाईन हा मार्ग नियोजित केला आहे. या मार्गाच्या उभारणीची संपूर्ण जबाबदारी सिडकोला देण्यात आली आहे.

असा असेल मेट्रो 8 गोल्ड लाईन

मार्गाची संपूर्ण लांबी सुमारे 34.89 किमी

नवी मुंबई क्षेत्रातील मार्गाची लांबी 21 किमी

संपूर्ण मार्गावर 20 स्थानके, 6 भूमिगत स्थानके

छत्रपती शिवाजी महाराज आंतराष्ट्रीय विमानतळ टर्मिनल 2 व नवी मुंबई विमानतळ या दोन स्थानकांना थेट जोडला जाणार आहे.

या प्रकल्पाचा एकूण खर्च 20 हजार कोटी असून 2029 पर्यंत होणार आहे.