ठाणे : मध्य रेल्वेने (Central Railway) अचानक मेगाब्लॉक (Mega Block) जारी केला आहे. त्यामुळे रविवारच्या दिवशी प्रवाशांचे हाल झाले आहेत. आज ट्रान्स हार्बरवर (Trans-Harbour) मेगाब्लॉक नसताना मेगाब्लॉक घेण्यात आला आहे. या मेगाब्लॉकची कुठलीही सूचना रेल्वेने दिली नव्हती. ऐनवेळी घेतलेल्या या मेगाब्लॉकमुळे प्रवाशांना मनस्ताप सहन करावा लागला आहे. ठाण्याकडून वाशी ते पनवेल दरम्यान लोकल नाही. तुर्भे ते नेरुळदरम्यान काम सुरू असल्याची घोषणा ठाणे स्थानकावर करण्यात आली तेव्हा प्रवाशांनी संताप व्यक्त केला.