रायगड: दिवाळीची सुट्टी संपत आली असली तरी पर्यटनस्थळांवर अजूनही पर्यटकांची गर्दी कायम आहे. समुद्र किनारे, तिर्थक्षेत्रे आणि ऐतिहासिक गड-किल्ल्यांवर पर्यटकांचा ओघ वाढला आहे. रायगड किल्ल्यावरही शनिवारीपासून पर्यटकांची तोबा गर्दी पाहायला मिळत असून ती आज (रविवार) देखील सुरूच आहे. छत्रपती शिवाजी महाराजांच्या राजधानीचा किल्ला पाहण्यासाठी मोठ्या संख्येने पर्यटक आणि शिवप्रेमी रायगडकडे धाव घेत आहेत. या गर्दीत तरुणाईसोबतच लहान मुले, महिला आणि ज्येष्ठ नागरिकांचाही मोठ्या प्रमाणात सहभाग आहे. अनेक कुटुंबे एकत्र येऊन सहलीचा आनंद घेत आहेत. छत्रपती शिवाजी महाराजांचा इतिहास आणि स्वराज्याची राजधानी प्रत्यक्ष पाहण्याची संधी मिळाली, ही अभिमानाची बाब आहे," असे पर्यटकांनी सांगितले.