आज महाविकास आघाडी आणि इतर पक्षांची शिवसेना भवन येथे पार पडली. या पत्रकार परिषदेला राष्ट्रवादी शरद पवार गटाचे नेते जयंत पाटील, कॉँग्रेसचे सचिन सावंत, मनसेचे बाळा नांदगावकर, भारतीय कम्युनिस्ट पक्षाचे नेते प्रकाश रेड्डी उपस्थित होते.

1 नोव्हेंबरला महाविकास आघाडी आणि इतर पक्षांकडून मुंबईमध्ये विराट मोर्चा काढण्यात येणार आहे. अशी माहिती ठाकरे गटाचे खासदार संजय राऊत यांनी दिली. राऊत म्हणाले, गेल्या काही दिवसांपासून आम्ही निवडणूक आयोगाच्या विरोधात लढाई लढतो आहे. यामधून काय निष्पन्न होईल माहीत नाही. महाराष्ट्राच्या यादीत 96 लाख मतदार अजूनही आमच्या दृष्टीने घुसखोर आहेत. निवडणूक आयोगाच्या मॅच फिक्सिंग विरोधात हा आमचा लढा आहे.

मतदार याद्या पवित्र असायला हव्यात. त्यासाठी सर्व प्रमुख पक्ष लढत आहेत. 1 नोव्हेंबर रोजी शनिवारी निवडणूक आयोगाच्या विरोधात मोर्चा निघेल. या मोर्च्याचे नेतृत्व उद्धव ठाकरे, शरद पवार, राज ठाकरे आणि कॉँग्रेसचे जेष्ठ नेते करतील. 1 नोव्हेंबेर हा महाराष्ट्रासाठी महत्वाचा असेल असेही संजय राऊत म्हणाले.