मुंबईत बांगलादेशी महिलेनं मुख्यमंत्री माझी लाडकी बहीण योजनेचा लाभ घेतल्याचे उघड झाल्यानंतर आता पंतप्रधान किसान योजनेचाही बांगलादेशींनी लाभ घेतल्याची धक्कादायक माहिती समोर आली आहे. पंतप्रधान किसान योजनेचे बांगलादेशी लाभार्थी असल्याचा दावा भाजपच्या एका नेत्यानं केला आहे. नाशिकच्या कळवण तालुक्यातील भादवण गावात पीएम किसान योजनेचे १८१ लाभार्थी बांगलादेशी असल्याचे त्यांनी सांगितले आहे. यासंदर्भात साम टीव्हीनं सर्वात आधी पीएम किसान योजनेत बांगलादेशी लाभार्थी असल्याची बातमी दाखवली होती. त्यावर आता शिक्कामोर्तब झालं आहे.