बार्शी तालुक्यातील वैराग येथील संतनाथ सहकारी साखर कारखान्यात भीषण आग लागली आहे. मोठ्या प्रमाणात आग लागल्यामुळे संपूर्ण कारखाना परिसरात धूरांचे लोट पसरल्याचे पाहायला मिळाले.

प्राथमिक माहितीनुसार, हा कारखाना गेल्या अनेक दिवसांपासून बंद अवस्थेत होता.त्यामुळे सुदैवाने कुठल्याही पद्धतीची जीवितहानी झाली नाहीये. मात्र या आगीत मोठ्या प्रमाणात कारखान्याची साधनसामग्री जाळून खाक झाली असून आर्थिक नुकसान झाले आहे. आग कशामुळे लागली याचे कारण अद्यापही स्पष्ट झाले नसून आग विझवण्यासाठी स्थानिक नागरिक प्रयत्न करत आहे.