मुंबईच्या माहीम पूर्व परिसरातील मानींज झोपडपट्टीला भीषण आग लागल्याची घटना घडली आहे. हार्बर रेल्वे लाईन मार्गाजवळ असलेल्या या झोपडपट्टीतील अनेक झोपड्या आगीमध्ये जळून खाक झाल्या आहेत. वृत्तानुसार, 'आगीचं कारण अजूनही अस्पष्ट आहे'. ही आग नेमकी कशामुळे लागली, हे समजू शकलेले नाही. समोर आलेल्या वृत्तानुसार, ही आग मानींज झोपडपट्टीमध्ये लागली असून, यात जवळपास १५ झोपड्या आगीच्या भक्ष्यस्थानी पडल्या आहेत. रेल्वे स्थानकाच्या अगदी लागून असलेल्या या वस्तीत आग लागल्याने मोठे नुकसान झाले आहे. आगीची भीषण दृश्ये सध्या समोर येत असून, अनेक घरे पूर्णपणे जळून खाक झाल्याचे दिसत आहे.