मराठवाड्यात बनावट मराठा-कुणबी जातीचे प्रमाणपत्र मिळवणाऱ्या 3 लोकप्रतिनिधींचे दाखले जात पडताळणी समितीने अवैध ठरवले आहेत. यामध्ये माजलगाव नगरपालिकेच्या नगरसेविका रेखा सरोदे, परभणी जिल्हा परिषदेच्या सदस्या कोमल पारवे आणि छत्रपती संभाजीनगर जिल्हा परिषदेच्या सदस्या ज्योती शिंदे यांचा समावेश आहे. या कारवाईमुळे राजकीय वर्तुळात मोठी खळबळ उडाली असून, संबंधित लोकप्रतिनिधी या निर्णयाविरोधात न्यायालयात दाद मागण्याच्या तयारीत आहेत. यावर मराठा आंदोलक मनोज जरांगे यांनी साम टीव्हीशी बोलताना हे जाणून बुजून केल्याचा आरोप सरकारवर केला आहे. तसेच कोणाकोणाचे रद्द झाले आहे आणि कशामुळे रद्द झाले हे मी समजून घेणार आहे. तसेच नोंदी ह्या, उर्दू , पारशी आणि मोडी लिपितल्या आहेत. जी भाषा कोणाला लिहिता वाचता येत नाहीये. यामध्ये काहीतरी राजकीय स्टंट आहे. तसेच हे सगळे मी समजून घेणार आहे असे मनोज जरांगे पाटील म्हणाले.