मराठी भाषेची गळचेपी करण्याचा प्रयत्न मुंबईसह इतर ठिकाणी मोठ्या प्रमाणात होत आहे. मुंबईत अनेक ठिकाणी मराठी कुटुंबांवर मारहाण केल्याच्या घटना काही दिवसांपूर्वी घडल्या होत्या. अशातच वसई येथे एका गृहनिर्माण सोसायटीने मराठी कुटुंबाला मासिक शुल्क न भरल्याने नोटीस पाठवली ही नोटीस इंग्रजी भाषेत होती. त्याबाबत मला इंग्रजी कळत नाही मराठीत सांगा असा महिलेने सोसायटी पदाधिकाऱ्यांना विचारले. तेव्हा मराठीला गोळी मारा असं संतापजनक विधान त्या माणसाने केले या घटनेचा व्हिडिओ सोशल मीडियावर तुफान व्हायरल झाल्यानंतर त्या माणसावर कडक कारवाई करावी अशी मागणी होत आहे.