मराठा आंदोलनामध्ये खासदार शाहू महाराज यांनी एन्ट्री घेतली आहे. मराठा आरक्षणाची मागणी करत त्यांनी थेट सरकारला इशारा दिला. यासंदर्भात त्यांनी परिपत्रक काढत थेट सरकारलाच धारेवर धरले आहे. आज संभाजीराजे छत्रपती यांनी मनोज जरांगे पाटील यांची भेट घेतली. यावेळी त्यांनी शाहू महाराज यांचे परिपत्रक मनोज जरांगे यांना दिले. तसंच यावेळी त्यांनी मनोज जरांगे पाटील यांना पाणी पिण्याची विनंती केली.

आंदोलनाची नोंद गांभीर्याने घेण्याची जबाबदारी राज्य सरकारची आहे. आरक्षणाची मर्यादा ५० टक्के वाढवावी हा आम्ही पर्याय सुचवला होता. घटनेमध्ये दुरूस्ती करावी जेणेकरून मराठा समाजाला आरक्षण मिळेल. नोकरी, शैक्षणिक क्षेत्रामध्ये आरक्षण दिल्याशिवाय मराठा थांबणार नाही, असा इशारा शाहू महाराज यांनी दिला आहे. सरकारने जबाबदारी टाळली तर गंभीर परिणाम भोगावे लागतील, असे देखील त्यांनी सांगितले.