ओबीसी प्रवर्गातूनच आरक्षण मिळावे या मागणीसाठी मराठा आंदोलक मनोज जरांगे पाटील शुक्रवारी मुंबईत दाखल झाले. आझाद मैदानावर त्यांना सुरुवातीला एका दिवसाची आंदोलनाची परवानगी देण्यात आली होती. मात्र आंदोलकांच्या वाढत्या संख्येमुळे या आंदोलनाला आणखी एका दिवसाची मुदतवाढ देण्यात आली आहे.

यामुळे राज्याच्या कानाकोपऱ्यातून मराठा बांधव मोठ्या संख्येने मुंबई गाठत आहेत. असेच एक कुटुंब दुचाकीवर पत्नी व लहानशा मुलीसह मोर्चात सामील झालं असून, त्याचा व्हिडिओ सध्या सोशल मीडियावर प्रचंड व्हायरल होत आहे.आंदोलनाला मिळणारा हा जनसामान्यांचा पाठिंबा सरकारसाठी मोठं आव्हान ठरत आहे.