Mumbai High Court on Maratha Protest : मनोज जरांगे पाटील यांच्या मराठा आंदोलनाविरुद्ध मुंबई हायकोर्टात याचिका दाखल करण्यात आली. आंदोलनामुळे सर्वसामान्यांना त्रास होत असल्याचे याचिकेत नमूद करण्यात आले. न्यायमूर्ती रविंद्र घुगे आणि गौतम अंखड यांच्या खंडपाठीसमोर ही सुनावणी झाली. सुनावणीदरम्यान हायकोर्टाने सरकारला अनेक सूचना दिल्या. आंदोलकांना मुंबईबाहेरच रोखा अशा सूचना हायकोर्टाद्वारे देण्यात आल्या. आहे.

आंदोलकांना ठाण्यातच रोखा अशा सूचना मुंबई हायकोर्टाने दिल्या आहेत. नवी आंदोलकांना आता मुंबईत येऊ देऊ नका असे कोर्टाने म्हटले आहे. आंदोलकांवर मनोज जरांगे पाटील यांचे नियंत्रण नाहीये. मुंबईबाहेरुन जे आंदोलक येत आहेत, त्यांना मुंबईबाहेरच थांबवा अशा सूचना हायकोर्टाने दिल्या आहेत. जे आंदोलक ठाण्यातून येत आहेत, ठाण्याच्या दिशेने येत आहेत, त्यांना ठाण्यातच थांबवा असे हायकोर्टाने म्हटले आहे.