बीडमध्ये मराठा आंदोलक मनोज जरांगे पाटील यांच्या जनजागृती शांतता रॅलीचं आयोजन करण्यात आलं आहे. बीडमध्ये होणाऱ्या या रॅलीची मराठा बांधवांकडून जय्यत तयारी करण्यात आली आहे. बीड शहरात मोठमोठे फ्लेक्स, बॅनर, भगवे झेंडे लावण्यात आले आहेत. यामुळे बीड शहरातील वातावरण हे भगवमय झालं आहे. बीड शहरातील डॉक्टर बाबासाहेब आंबेडकर पुतळ्यापासून ही रॅली निघणार असून सुभाष रोड, माळीवेस चौक, अण्णाभाऊ साठे चौक, जालना रोड मार्गे छत्रपती शिवाजी महाराजांच्या पुतळ्याजवळ या रॅलीचा समारोप होणार आहे. त्यानंतर छत्रपती शिवाजी महाराज चौकामध्ये भव्य अशी जाहीर सभा देखील होणार आहे. दरम्यान या ठिकाणी मनोज जरांगे पाटील यांच्यासाठी जवळपास 10 फूट उंच असं स्टेज देखील बनवण्यात आलं आहे. बीजमधील शाळांना देखील सुट्टी देण्यात आली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.