काल अजित पवार यांचे पुत्र जय पवार यांनी आंतरवाली सराटीत मनोज जरांगे पाटील यांची भेट घेतली. यावर जरांगे पाटील यांनी स्पष्टीकरण दिले आहे. मी ना महायुतीला पाठिंबा दिला ना महाविकास आघाडीला. मी फक्त गोरगरीब मराठा समाजाच्या बाजूने आहे, उद्या राष्ट्रपती जरी आल्या तरी मी कुणालाही पाठिंबा देणार नाही असे जरांगे पाटील म्हणाले. तसेच जय पवार यांनी तब्येतीची विचारपूस केली असेही जरांगे पाटील म्हणाले. काही लोक येतात आणि फोटो काढतात. आणि पाठिंबा दिला असे जाहीर करतात. पण आम्ही कुणालाही पाठिंबा दिलेला नाही असेही जरांगे पाटील यांनी स्पष्ट केले.