विधानसभा निवडणुकीत दगड जरी उभा केला तरी त्याला निवडून द्या असे आवाहन मनोज जरांगे पाटील यांनी केले आहे. जरांगे पाटील रुग्णालयात दाखल आहेत. माध्यमांशी संवाद साधताना जरांगे पाटील म्हणाले की प्रसाद लाड बोलतात त्यांना फडणवीस थांबवत नाहीत. मला ट्रॅपमध्ये अडकवलं जात आहे. फडणवीस सत्ता चालवतात, यामुळे भाजपचं वाटोळं झालं आहे. सध्या तरी सरकारसोबत कुठलाही संपर्क नाही असेही जरांगे पाटलांनी स्पष्ट केले आहे. आता सरकारला १३ ऑगस्टपर्यंत वेळ दिली आहे. तसेच विधानसभा निवडणुकीची तयारी सुरु केली आहे असेही जरांगे पाटील म्हणाले.