विधानभवनात रमी खेळणारे माणिकराव कोकाटे यांच्याकडून अखेर कृषि खातं काढून घेण्यात आलं आहे. माणिकराव कोकाटेंकडे आता दत्तात्रय भरणे यांच्याकडे असलेलं क्रीडा आणि युवक कल्याण खात्याचा पदभार देण्यात आला आहे. तर दत्तात्रय भरणे आता राज्याचे नवीन कृषिमंत्री असणार आहे. यानंतर माणिकराव कोकाटे यांनी पहिल्यांदाच प्रतिक्रिया दिली आहे.

ते म्हणाले, यावेळी मुख्यमंत्री आणि उपमुख्यमंत्र्यांनी जो निर्णय घेतला आहे, तो मला मान्य आहे, असे माणिकराव कोकाटे म्हणाले. तसेच दत्तात्रय भरणेंना काही मदत लागली तर मी नक्की करेन आणि त्यांची मला मदत लागल्यास मी घेईन अशी प्रतिक्रिया कोकाटेंनी दिली. तसेच नवीन खातं आवडलं का? असा प्रश्न विचारताच I Am Very Happy, असं क्रीडामंत्री माणिकराव कोकाटे म्हणाले.