राष्ट्रवादीचे नेते तथा माजी मंत्री माणिकराव कोकाटे यांच्या जामीन अर्जावर मुंबई हायकोर्टात सुनावणी सुरू आहे. कोकाटे सध्या लीलावती रुग्णालयात दाखल असून त्यांच्या प्रकृतीचे कारण देत दिलासा देण्याची मागणी वकिलांनी केली आहे. कागदपत्रांवरील सह्या आमच्याच आहेत. त्यामुळे ती फॉर्जरी कशी होऊ शकते? असा युक्तिवाद कोकाटेंचे वकील रवींद्र कदम यांनी केला आहे. दुसरीकडे राज्य सरकारकडून ॲड. देशमुख बाजू मांडत आहेत. कोकाटे यांच्या समर्थकांनी कोर्टाबाहेर गर्दी केली असून मोठा पोलीस बंदोबस्त तैनात करण्यात आला आहे. थोड्याच वेळात कोर्ट निर्णय देणार आहे. या निकालाकडे संपूर्ण राज्याचे लक्ष लागून आहे. नाशिक पोलिस कालपासून मुंबईमध्ये तळ ठोकून आहे. त्यामुळे कोकाटे यांच्यावर अटकेची टांगती तलवार आहे.