ठाणे जिल्ह्याच्या मुरबाड तालुक्यातील काळू नदीच्या परिसराचा निसर्गाचा आनंद घेण्यासाठी तब्बल २५० ते ३०० पर्यटक गेले होते. मात्र, सातत्याने कोसळणार्‍या मुसळधार पावसामुळे काळू नदीला पूर आला. त्यानंतर शेकडो पर्यटक नदीच्या पलीकडे अडकले. टोकवडा पोलिसांना माहिती मिळताच घटनास्थळी पोहोचले. त्यानंतर त्यांनी बचाव कार्याच्या टीमला सोबत घेऊन पोलीस काळू नदीवर पोहोचले. त्यानंतर त्यांनी बचाव कार्य सुरु केले. बचाव पथकाने सर्व पर्यटकांना सुखरुप बाहेर काढले.