मालेगाव तालुक्यातील डोंगराळे गावात तीन वर्षांच्या मुलीवर अत्याचार करून तिची निर्घृण हत्या केल्याची धक्कादायक घटना घडली आहे. या प्रकरणी पोलिसांनी आरोपीला अटक केली असून, न्यायालयाने त्याला २७ नोव्हेंबरपर्यंत पोलीस कोठडी सुनावली आहे. या घटनेनंतर संतप्त महिलांनी आरोपीला ताब्यात देण्याची मागणी करत न्यायालयात आक्रोश केला आणि उद्या मालेगाव बंदची हाक दिली आहे. या प्रकरणी पोलिसांनी सात दिवसांची कोठडी मागितली होती, 'तपासणी अधिकारी यांना संपूर्ण डिटेल इन्वेस्टिगेशन करण्यासाठी त्यांना योग्य असा वेळ दिला गेला पाहिजे म्हणून पोलिसांनी जे काही सात दिवस पोलीस कस्टडी मागितली होती, ती पूर्ण कस्टडी मेहेरबान कोर्टाने मंजूर केलेली आहे.' या घटनेमुळे संपूर्ण महाराष्ट्रात संतापाचे वातावरण असून, प्रकरणाचा तपास सुरू आहे.