Mumbai local train stabbing case : मालाड रेल्वे स्थानकातील प्राध्यापक हत्या प्रकरणातील आरोपी अवघ्या १२ तासांत अटक करण्यात आले. मालाड रेल्वे स्थानकात किरकोळ वादातून आलोक सिंग या प्राध्यापकाची चाकू हल्ल्यात हत्या करणारा फरार आरोपी अखेर पोलिसांच्या जाळ्यात अडकला आहे. बोरिवली लोहमार्ग पोलिसांनी अवघ्या १२ तासांत आरोपीला अटक केली आहे.

अटक करण्यात आलेल्या आरोपीचे नाव ओमकार एकनाथ शिंदे (वय २७) असून तो मालाड पूर्वेकडील कुरार व्हिलेज परिसरात राहणारा आहे. सध्या आरोपी बोरिवली लोहमार्ग पोलिसांच्या ताब्यात असून प्रकरणाचा अधिक तपास सुरू आहे. दरम्यान, आज दुपारी आरोपीला न्यायालयात हजर करण्यात येणार आहे.