मुंबईच्या मालाड पूर्वेत कुरार पोलिसांनी मोठी कारवाई केली आहे. मालाड पठाणवाडी परिसरातून चार बांगलादेशी नागरिकांना अटक करण्यात आली आहे. हे चारही बांगलादेशी नागरिक भारतात अवैधरित्या दाखल होऊन मुंबईच्या मालाड पठाणवाडी परिसरात काम शोधण्यासाठी आले होते. मालाड कुरार पोलिसांच्या ATC पथकाला त्यांच्या हद्दीत बांगलादेशी नागरिक काम शोधण्यासाठी येत असल्याची गुप्त माहिती मिळाली होती. याच माहितीच्या अनुषंगाने कुरार पोलिसांच्या एटीसी पथकाने मालाड पठाणवाडी परिसरात धाड टाकून चार बांगलादेशी नागरिकांना अटक केली आहे. या लोकांचा भारतात येण्याचा नेमका काय उद्देश होता, तसेच त्यांची ओळखपत्र आणि इतर बाबींचा तपास पोलीस करत आहे.